"Дос және достық" атты ашық тәрбие сағаты өтті 3-сынып оқушыларымен. Өткізген Досымова Гүл Аманалықызымен Асқар Әсем Талғатқызы.

Тәрбие сағаттының тақырыбы: Дос және достық

Тәрбие сағат мақсаты: Достық, сыйластық туралы пікірлесе отырып оқушылар арасында сезім қалыптастыру.

Тәрбие сағат көрнекілігі: Маркер, сұраунама қиықшалары, сызбалар, түрлі түсті қағаз, қайшы.

Іс-шараның ұраны: “Дос көңілі – шарайна, сындырып алма, абайла”

I.Ұйымдастыру

1) Амандасу

2) Оқушылардың психологиялық дайындығына көңіл бөлу.

ІІ.Оқушы аудиториясы не дейді?

Шаттық шеңбері: «Дос көңілі!»

Топқа бөлу: «Қима қағаздары арқылы»

1. Топ: Мейірімділік;

2. Топ: Бірлік;

3. Топ: Татулық;

Тақырыпты ашу сұрақтары: (Топтық жұмыс)

1) “ Дос деген кім?”сауалына сызба арқылы жауап беру.

2) Достық дегенді қалай түсінеміз? ( жауапты сурет арқылы бер. Әрбір оқушы өздері салған сурет бойынша түсіндіреді.)

3) Менің достарым көп болу үшін не істеуім керек?

1- жүргізуші:

Досым, ған сенемін. Сеніп өтем!

Жолы бөтен демеймін, жөні бөтен,

Достық деген-адамның көрігі екен,

Достық деген адалдың серігі екен- дегендей, достық- адамдардың бір- біріне адал, қалтқысыз сеніп, бір мүдделі, ортақ көзқараста болатын қасиеті. Достық өзара жауапкершілік пен қамқорлықтың, рухани жақындықтың белгісі. Нағыз достық кісіге шабыт беріп, өмірде кездесетін түрлі сәтсіздіктерге мойымауға, басқа түскен қайғы мен қиыншылықты бірге көтеруге жәрдемдеседі.

2- жүргізуші:

Досым, досым айналайын күлкіңнен!

Қымбаттысың аспандағы ай, күннен.

Сен қуансаң, қуанамын мен бірге,

Жыласаңда , мұңайсаңда.

Жұбатармын өмірде.

Дос- жараңдардың мінездері әр түрлі болып келуі мүмкін. Мысалы, біреуінде қызбалық не шабандық, екіншісінде тұйықтық не жігерсіздік байқалса да, бұлар достыққа кедергі бола алмайды, қайта нағыз достық осындай кемшіліктерден арылуға көмектеседі.

Достық

Әйтімбет деген сөзге шешен кісі болыпты. Бірде оның замандастары:

- Достық нешеу? – деп сұрақ қояды. Сонда Әйтімбет тұрып:

- Достықтың екі түрі болады. Бірі – адал достық, екіншісі – амал достық.

“Енді оны қалай ажырата аламыз” дегендерге:

- Адал достық өмірлік нұсқа болады, амал достықтың өрісі қысқа болады, - деп жауап берген екен.

(Пікірлері тыңдалады.)

1) “Мен жақсы оқимын, қоғамдық жұмыстарға қатысып, әрдайым алғы шептен көрінуге тырысамын. Өз сыныбымыздағы бір баламен достастым. Бірде оның бір баланы ұруға қатысқанын білдім, білісімен онымен достықты үздім.”

2) “ Қалай өмір сүргенімді есіме алсам, ұяттан жерге кіріп кете жаздаймын... Сөйтіп жүргенде Жаннаны кездестірдім. Былай қарасаң қарапайым қыз, оған достасу туралы ұсыныс жасап едім, ол келісті. Достарым оны қалыпты іс деп бағалады, “ Атаманға кім қарсы келуші еді” деп есептеді. Жаннаның басынан біраз нәрсені өткеруіне тура келгенімен ол мені адам етті. Бұл хатымда мен бәлкім ештеңе айтпаған да шығармын, әйтсе де менің құрдастарымның кез-келгенінің адамды жөнге салу ісі қолдарынан келетіндігін айтқым келеді.”

- Бұл екі жағдай бір-біріне ұқсас. Бірақ қыздардың істеген істері бірдей емес. Осы екі үзінді жайлы қандай ой түйдіңіздер?

- “Жаманнан бойды аулық сал” дегендей, алғашқы қыздың дер кезінде достықты үзгені дұрыс та шығар, кәне кім не айтады, пікірімізді ортаға салайық. (Пікірталас кезі)

III. Оқушылардың өлең шумақтары, мақал- мәтелдер.

IV. “Жалғастырып көр” ойыны. (топтық жұмыс)

а) Әрбір адамға дос керек. Өйткені...

ә) Менің сыныптастарыма немесе досыма тілегім...

б) Сыйластық бар жерде...

V. Сауалға жауап іздеу.(жекеше тапсырма)

1) Біздің сынып қандай?

2) Сынып оқушылары арасында сыйластық, достық қатынас орнаған ба? Хат қоржын (Хаттарға жауап).

VII.  Би: «Қазақ биі»

VIII. (Мақал – мәтелдердің жалғасын) тап ойыны.

1/ Білімдімен дос болсаң,

Сасқанда ақылын айтар.

Білімсізбен дос болсаң,

Топ ішінде бетің қайтар.

2/ Дұшпан біреу болса да көптік етер,

Досың мың болса да аздық етер.

3/Дос адам артық сұрамайды.

Махмұт Қашқари.

4/Дос достың кемшілігін кешіре береді.

Жүсіп Баласағұн.

5/Досы жоқпен сырлас, досы көппен сыйлас.

Абай.

6/Екі ердің достығы асулардан асырар.

Екі елдің достығы ғасырлардан асырар.

Мұзафар Әлімбаев.

7/Қоссыз қазақ болса да,

Доссыз қазақ болмаған.

8/Дос табу оңай – сақтауы қиын,

Жау табу оңай - тоқтауы қиын.

Жүсіп Баласағұн.

9/Бес мүшеден бөлекше бас та өзгеше,

Қиғаш біткен маңдайға қас та өзгеше.

10/ Доссыз адам тамыры жоқ ағашпен тең.

11/Заттың жаңасы жақсы,

Достың ескісі жақсы.

         Рефлексия: «Жақсы тілек- жылы жүрек»

IX.Ән: «Жан досым»

X. Қорытынды

1. Жүргізуші:Дос емес достың сөзін көтермесе,

Саған жердің түбінен жетем десе.

Не қылып дос атына қосылады,

Көтермей бір сөзіңді бүйтем десе.

Нағыз дос бірін – бір жамандамас,

Араға көп өкпе сап табандамас,

Көңілі татулықтың шабандамас.

2. Жүргізуші:Жақсының әрбір сөзін қайырмаңыз,

Жасыған жездей болып мойымаңыз.

Сыр алмаған біреумен дос болам деп,

Сыр алған досыңыздан айрылмаңыз.